He ngaronga nui mo ētahi whānau i Te Taitokerau

Dean Nathan
  • Te Tai Tokerau

Ki Te Taitokerau, nō te ahiahi tonu nei, ka kitea atu he tūpāpaku ki te taihauauru o te rohe, kahore e tawhiti ana i te wāhi i aituahia ai tetahi tokotoru i te Rahoroi.

Engari kahore ano kia whakatuturia mena ko ia te mea o ratou e ngaro tonu nei.

Kei te haere tonu te rapunga i te taihauauru mo te tangata e ngaro ana i te moana engari e mea ana te whanau pani he waimaire noa iho kihai te katoa i parekura.

Kei Waikara Marae te taonga o te mate e takoto ana i tera nei, ā no te ahiahi tonu nei puta ai te purongo a ngā pirihimana mo te kitenga i tetahi tupāpaku ki ngā moana i te taha tonga o Maunganui Bluff engari kahore ano kia whakatuturutia ko wai.

Kua tukua e te whānau he mihi mutunga kore ki a Adam Slade me ōna hoa mo tā rātou kaha ki te whakahoki ora mai i ēra atu mema o tā rātou whānau, tu ātu kua puta te kupu tūpato ki ngā whānau katoa e noho ana ki te taha o ngā moana i ēnei hararei, kia kore ano tētahi aitua pouri pēnei e puta.