Kaupapa: Entertainment

He moehewa ka whakatūturutia mō tētahi mumu Māori

Wepiha Te Kanawa
  • Tāmaki Makaurau

Kua tae ā-tinana mai te manu tīoriori a Beyoncé ki Aotearoa mō āna konohete Mrs Carter Show World Tour e whā ki Tāmaki Makaurau.  

Ā, ehara i te mea kotahi noa te kaiwaiata Māori ka wāhi i te papa, inā hoki, ka piri atu te uri o Tauranga Moana a Ria Hall ki tōna huānga, ki a Stan Walker.

Ko Ria Hall te mumu waiata, engari hei āpōpō tūtaki ai ia ki te mumu o ngā mumu, ki a Beyoncé.

Ka piri ia ki a Stan Walker ki te whakatūwhera i te konohete a Beyoncé, ā, ko tāna he moemoeā tēnei ka tutuki.

He whakatikatika i ngā wenewene āna mahi, tae noa atu ki ōna pueru mau.

Kua āta wetewete ia i te āhua o te tū a Beyoncé, kia ōrite tana tū.