He matenga kotahi kua hua i te tukinga waka topatopa i Waiouru

Te Kāea
  • Te Tai Hauāuru

Kua mate tētahi o te tokorima i raru i te tukinga o tā rātou wakatopatopa ki te rohe o Ruapehu inanahi.

I roto i nga whakamārama a te Poari Hauora o Te Matau a Maui, e whā tekau tau tana pakeke, he pāpā, hoa rangatira i arohanuitia e te hapori whānui.

He tokorua hoki kei te noho taumaha ki rō hohipera. 

He hāerenga rūri whenua ta te roopu nei, na wai ra ka raru rātou ki te pā whakarua i Waiouru.

No te ata nei ka puta ngā kaimātai ki te whakatewha na te aha i raru ai te wakatopatopa.