Kaupapa: Housing

He mahi tā te Whare Takiura o Waiariki hei kaupare i te hoko whare utunui

Mere McLean
  • Waikato/Te Waiariki

Nā te ruarua o ngā whare 'iti te utu' kua tahuri tētahi o ngā whare takiura nunui o te motu ki te whakatū i tētahi whare ia tau, mā te whakamahi i ō rātou rōpū me ō rātou tauira.

Ko te karanga a te Whare Takiura o Te Waiariki kia whai atu ētahi whare wānanga anō i tō rātou tauira.

Ko te whakatū whare iti te utu te whainga matua o tēnei kaupapa ki Rotorua.

Na te Whare Takiura o Te Waiariki i tīmata ake i tēnei kaupapa e mōhiotia whānuitia ana ko ngā whare takoha, he mea hanga nā ngā tauira.

I te tau ka huri i oti he whare, e whā ngā rūma o roto, ā, he mea hoko mō te kotahi rau, whā tekau ma toru mano.  Nā te tokoiti o ngā whare māmā te utu ko te hiahia mō tēnei kaupapa kia kapi i a ia ngā whāwhārua.

Ko te hiahia a te Whare Takiura o Te Waiariki kia whai mai ētahi atu whare wānanga i ngā kaupapa pēnei, ā, kaua noa ki ngā mahi whakatū, engari kē anō ngā mahi whakapakari kaimahi.