He mahere hou kua whakaritea hei aukati i te kai paipa

  • Tāmaki Makaurau

No Taenehi nei whakapikihia ake ano ai te utu tāke ki ngā pākete tuupeka mā te tekau orau, a e ai ki tētahi o ngā ringa raupā aukati kaipaipa o Te Ara Haa Ora, me pera ka tika.

Hei tā Zoe Hawke, “Me piki tonu ngā take. He poturi ta te Māori aukati hāere i te momi paipa, na e ora ai o tātou whānau, me uaua ake te momi paipa.”

Ko tēra awangawanga tonu tēra e kaha kitea ana, ko te kai hikareti a ngā wāhine i a rātau e hapū ana

Nawhai ano kua rewa tētahi mahere e whakamatautauhia ana ki te rohe o Manurewa anake i tēnei wā mo etahi wāhine Māori, no ngā Moutere ranei, e hapuu ana.

Ki te whakamutua ta rātou kai paipa, he puka utu ka takohatia kia whai taonga ai rātou, engari kua kore e ahei te whai tupeka, waipiro ranei.

Ko te Manako ia o te roopu Te Ara Haa Ora, kia ngana tonu ngā waahine Māori e kite ana i o rātau hoa wāhine e momi ana i a rātau e hapū ana, ki te whakamutu atu.