Ngā kaupapa: Kapa Haka, Te Matatini

He maha ngā hua o te mahi Kapa Haka ki te whakataetae Matatini

  • Te Whanganui-ā-Tara
Te Matatini release findings of research into benefits of kapa haka

Ko te kapahaka e karangatia ana hei waka hōu e tutuki ai ngā wawata ā-ahurea i ngā tini tū-manatū, kei reira rā ngā painga o ngā mahi a Tānerore e tiro korotahangia ana.

E ai ki te pūrongo i puta i te rangi nei, ahakoa kei te mōhiotia whānuitia ngā painga o te kapahaka i roto i ngā hapori Māori mō ngāi Aotearoa whānui, e noho kuare tonu ana a tauiwi me ngā tari o te kāwanatanga.

Kua rongonui te haka i te kapa Ōpango, kua whakamahia hoki hei ara whakawhanaunga ki ngā makete o tāwāhi. Heoi, e noho kuare tonu ana te nuinga o Aotearoa ki te wariu o ngā mahi kapa haka mō tō tātou whenua.

E toru ngā kaupapa matua i tirohia i te rangahau. Tuatahi ko ngā hua ā-ahurea nei, tuarua ko ngā hua whānau ora nei.

Ko ngā painga o roto i ngā whareherehere tētahi tauira o te tū pakari o te tangata ki te mōhio ia ki ōna taketakenga, ā, e kore e taea te karo ko ngā hua a hauora nei e kitea ana i te papa whakatū waewae.

Ko ngā hua ōhanga te kaupapa tuatoru i tirohia, ara kia kōkiritia te kapa haka ā pākihi nei. He ara e whaia ana e ētahi, ā, ahakoa ana wero, e whakaponotia ana he hua hei kaponga.

Ko te wero a Te Matatini me Te Manatu Taonga he aki i ngā tari kāwanatanga kia hiki i te manuka.

Nōreira, kua puta te karanga, ā, mā te wā noa e kite ai ko wai rā ka whakaeke mai.