He kupenga hōu ka whakaūtia e Ngāti Kahungunu

updated Aroha Treacher
  • Te Tai Rāwhiti

He kupenga hōu ka whakaūtia e Ngāti Kahungunu, e iti iho ai ngā ika iti ka mau ki roto i āna haonga hī.

Mā te hangarau nei e hāpai ai ngā mahi whakapiki i ngā taupori ika.

E hia piriona tāra te wāriu o te ahu kaimoana ki Aotearoa nei, engari, me whakatipu tonu ngā ika i te moana mā ngā whakatipuranga kei te heke mai.

Nā reira e whakatipu ai ngā ika kei te mahi ngātahi a Ngāti Kahungunu me Hawkes Bay Seafoods kia whakamahia ai ēnei kupenga ki o rātou poti hao ika katoa.

Ko te tikanga, ka taea ngā kōmutumutu te wehe atu, kia whakatipu ai.

E ai ki te rangahau, ka nui ake te tūpono wehe o ngā kōmutumutu i ēnei kupenga hou mā te waru tekau ōrau.

Hei tā te Heamana o Ngāti Kahungunu, a Ngahiwi Tomoana, “Ka tūturu o mātou whakaaro ināianei tēnei te mea e āhei ana mātou ki te tuku pai o mātou wawata kia tuku ētahi o ngā momo ika i runga i te moana.”

Kua whakamanahia e Ngāti Kahungunu ētahi turi hōu i te rīhi o tā rātou wāhi hī ika, me whakamahi ai ngā kupenga hōu.

Ko te tumanako, ka whaia e ngā iwi puta noa i te motu i o rātou tapuwae.