Ngā kaupapa: Rereātea - Midday News, Te Reo Māori

He kōrero kawhe hei kīnaki i te Wiki o te Reo Māori

  • Tāmaki Makaurau

Kua kuhu nei tātau ki te wiki o te reo Māori, ā, ko tōna matū i tēnei tau, ko 'Kia ora te reo Māori'.

Hei whakanui i tēnei wiki, kua whakarewahia e Te Puni Kōkiri he kaupapa ki te taiwhanga ara tereina o Manukau ki Tāmaki Makaurau, e taea ai e te tangata te tiki kawhe mō te kore utu, mēnā ko te reo Māori te reo tono.

Hei tā te Kaitohu Tōmua o Te Puni Kōkiri, hei tā Eruera Lee-Morgan, ko te whāinga ia, kia rere te reo kōrerorero ki waenganui i ngā kainoho o te takiwā, ahakoa he iti, he nui rānei te reo kei a ia.