He kōpae reo rua kua whakarewahia e tētahi kaipao Māori

Aroha Treacher
  • Te Tai Rāwhiti

E tukua atu ana e te kaipao Māori nei, e MC Tipene te ahurea Māori ki te ao mā ana mahi puoro. I eke panuku tana waiata a "West Side Hori" i ngā rārangi puoro o Aotearoa, ā, i tēnei wā, kua tata oti tāna kōpae reo rua e kii a nei ko "Tautoko".

He mahi aroha tēnei, he kopae e whakamārama ana i tōna arohanui ki āna tamariki me ōna wheako i tōna ake whakatipuranga i te kainga.

I tipu ake aia i Pā Harakeke, he tekau mā rima ngā tau te roa e mahi ana aia i te whare patu miiti, engari kua wehe atu aia i taua mahi kia whai ai i te ao puoro.

E whakamihi atu ana aia ki ngā wāhine i tōna ao, maatua rā ki tōna māmā kua wheturangitia.

Nā te putanga o tāna waiata "West Side Hori" i te tau rua mano tekau mā rua i aro te ao puoro ki aia. I hono hoki aia ki Empire Records.

He tekau mā ono ngā waiata i runga i a "Tautoko", i mahi ngātahi aia ki Che Fu rātou ko Chong Nee me Dam Native.

Engari i tēnei wā, ka roa rawa ōna rā me ōna pō i aia e whakatikatika ana i tāna kopae waiata.