He kohinga kākāhu hōu MATU

Aroha Treacher
  • Te Tai Rāwhiti

Kua tīni te huarahi mō Te Orihau Karaitiana, koia he kaiwhakaatu pueru o mua i te wīki whakaatu pueru o Aotearoa, heoi i tēnei wā kua whakarewangia ōna ake kākāhu e kīa nei ko MATU hei taua wiki e tū ai o te marama o Akuhata.

"Ko te MATU ko te tapahi i te fabric anō hoki he ingoa a MATU he ingoa tipuna ko te kuia o taku māmā," tā Karaitiana.


Ko te mea nui ki a ia, kia pono te ara. Ko ngā pūru me ngā tae he mea tūroa ka tiki mai i tata, ina ka taea.

"Kia whai i ngā rawa Māori ngā rawa e kī a nei ngā kākāhu mai i te hua rākau mai i te whenua hoki mai te taiao koira te tino kaupapa kia au."

Ko ia tētahi o ngā kaituitui kākāhu Māori tekau mā tahi i tū ki te aroaro o te huihuinga whakaatu pueru o Miromoda i Porirua i tēnei tau.

"I hanga ēnei kākāhu mō te hunga tāne mai wāhine mai ahakoa te rahi te iti o te tangata e tāea ai uru ki roto i ngā kākāhu mai i te rahinga a te waru tae no atu ki te tekau mā one pea, tekau mā waru."

E noho ana ki Kahungunu, heoi hei te rua tekau mā whitu o tērā marama ka whakaatu āna kākāhu ki Tāmaki Makaurau.