Kaupapa: Crime

He kino te wharanga a tētahi tāne, e whakapae nei nāna tētahi wahine i pūhia

Aroha Treacher
  • Te Tai Rāwhiti

Tutū mai ana te puehu ki te hapori o Waipūreku i Te Matau-a-Maui, i te rapunga a ngā pirihimana i tētahi tāne inapō, ā, ko te pakō o te pū te otinga.

He kino ngā wharanga i pā ki te tāne i pūhia, ā, ko te whakapae, nāna tētahi wahine i whakamate i tōna kāinga, i Westshore, ki Ahuriri.

E ai ki ngā pirihimana i whakamataku, i pūhia hoki rātou e taua tangata.  Ko te whakautu a ngā pirihimana, i pūhia aia kia whara.  Kātahi ka tau mai ngā ratonga whakaora.

Kei te hōhipera tonu te tāne rā, he rua tekau mā waru ōna tau i te hōhipera i Heretaunga, kei tiakina tonu a ia e ngā pirihimana. Kāore hoki rātou i te whāki mai, he aha ai i pērā ai ngā mahi a te tāne rā, he aha hoki tana hononga ki te wāhine i mate.

I whakapaetia i pūhia tētahi wāhine e taua tāne i tōna kainga i Westshore Ahuriri, iwa karaka inapō.  E toru ngā whakatewhatwhenga e haere tonu ana i tēnei wā.

I te ata nei, hīwanawana ana te āhua o ngā kainoho a te wahine rā i mate, kei te whai whakaaro tonu rātou i tōna matenga.