Ngā kaupapa: Employment, Fitness, Health

He kimi kaitāao te mahi mo Ka Pai Kai Rotorua

Mere McLean
  • Waikato/Te Waiariki

Ko te huri i ngā whakaaro a ngā tamariki ki ngā kai tika. Koira te mahi o Ka Pai Kai Rotorua he rōpū mahi tina ma ngā tamariki i te kura, ahakoa kei te whakatā rātou kia tīmata te kura a tērā wiki kei te kimi kaitūao rātou hei hapai i to rātou kaupapa. Ko te whakararata i ētahi kaitūao hōu hei hapai ki te mahi kai tina, kotahi rau, rima tekau neke atu ia rā i te wāhanga kura. Aroha Dorset o Ka Pai Kai Rotorua “he nui ngā mahi hei mahia, mai i te kura tuatahi ki ngā kura e waru i roto i te tau ko te hiahia kei konei, ā, me puta whānui tēnei kaupapa”. He rōpū aroha a Ka Pai Kai Rotorua ka mahi mai Taharangi Marae ko te whāngai tina kai tōtika mo ngā kura e waru o ngā kura rua tekau mā whitu o Rotorua. Mo ngā kura tuatahi, takawaenga tēnei kaupapa, toru tekau ngā kaitūao kei raro i a rātou heoi ko te rapu tāngata hōu te mahi. He tau hōu a Maxine Parker ki ngā mahi o tēnei rōpū, hei tāna “i te wā i puta mai te korero i whakaaro au āe, ko ahau tēnei, ka whai wāhi au ki te whakawātea i ahau ahakoa te mahi, ko te hapai i te hapori te mea nui, ā, me whakahīhī ka tika”. Mo Judith Cumberlidge kua roa ia e kaitūao ana mo tēnei rōpū “he mea nui tēnei ki ahau, ā, ko te kite i ngā kai e haere ana ki o tātau tamariki i te kura mīharo”. E ai ki te tari mo ngā tamariki rawa kore o te whare wānanga o Ōtākou i roto i ngā tamariki tokowhā, kotahi o rātou kei roto i tētahi whare kāre e nui te pūtea, ā, kei raro iho o ngā whiwhinga pūtea ā motu ono tekau paihēneti. Mo ētahi o aua whānau kua kore whai wāhi ki te huarākau, huawhenua. Mo te heamana o te rōpū a Jasmin Jackson “kua kite mātou i te hiahia mai i ngā kura, ā, kei te hiahia ētahi kura ki te kuhu mai engari kāre e tāea, kua whakarārāngihia aua kura”. I timata a Ka Pai Kai Rotorua i te tau ka huri, ā, i tēnei marama ka whakanuia e rātou te kotahi tau.