Kaupapa: Housing

He kawenata hou hei whakakāinga i ngā whānau o Waikato

updated
  • Waikato/Te Waiariki

Whitu tekau mā tahi ngā whānau ka noho ki ō rātou ake kāinga i mua i te tau rua mano, tekau mā iwa.

Koia te matapae i raro i tētahi a kawenata i waenga i te Kaporeihana Whare o Aotearoa me Waikato Tainui.

Kua tutuki te moemoeā o Tanita Whitiora me tōna whānau. 

Hei tā Tanita, tekau mā rima marama te whakarite i te hokotanga o tō rātou whare, ā, he uaua.

Kotahi rau toru tekau mā whitu mano tara te utu i Rāhui Pōkeka, ka mutu, ehara i te mea ngāwari.

E whitiwhiti kōrero ana a Waikato-Tainui i tā rātou whakaaetanga hanga whare tuatahi me Te Kāporeihana Whare o Aotearoa.

Tōna rua tekau mā ono ngā whare ka waihangahia e Te Kaporeihana Whare o Aotearoa ki konei.

E whā tekau mā rima ngā whare ka waihangahia e Waikato Tainui mō ngā uri whakaheke me ngā rāwaho.

E whakarite ana te whānau ki te whakahōu i tō rātou kāinga hei te paunga o te tau, hei rawa mō te hoko whare hōu.

Ka kimi whenua kē atu a Waikato-Tainui i te rohe hei hanga whare iti noa te utu mō ngāna uri.