Kaupapa: Housing

He kaupapa whare hōu kua ara ake

Heeni Brown
  • Tāmaki Makaurau

Hei awhina i te hunga rawa kore me te hunga hoko whare tuatahi, kua ara ake he kaupapa whare hōu, he kotahi rau mā rua miriona taara te wariu, i te Kāwanatanga me te Kaunihera ā-rohe o Tāmaki Makaurau, hei tāwharau i te hunga nei, me te manako ia, he whānau Māori tonu ētahi ka whai painga.

Whenua toitū, whakakiia ki te kāinga maha.  Koinei tā Te Manatū Whare me Te Kaunihera o Tāmaki Makaurau.

Mō te kaihoko whare tuatahi te take, he kotahi rau tekau mā toru o ngā kāinga katoa ka tūwhera i konei, ka tohua ki te mākete.

Tā te koromatua, tā te Minita Take Whare, he utu ka taea e ngā whānau me te tūmanako a te mana whenua, ka taea hoki ko ngā whānau Māori te uru mai.

He tata ki te toru rau ngā kāinga ka whai tūrangawaewae ki tēnei whenua e koni atu i te tekau mā rima ira rima heketea te rahi, engari ka toko ake ko te pātai, ka pēhea te pakari o ēnā whare?

Ahakoa e whatungarongaro ana ngā whare i konei, hei te takurua a tērā tau, panoni marika ai tērā.