Kaupapa: Health

He kaupapa whāngai tāngata tā Himona

Mere McLean
  • Tāmaki Makaurau

He kaupapa nui kei mua i te aroaro o tēnei wahine, kia whāngai i te kotahi rau, rima tekau tāngata e noho ana ki te whare manaaki o Ronald McDonald ki Tāmaki Makaurau āpōpō.

I tēnei rā kei te whakaoti haere a Juanita Himona i ngā mahi i mua i tana haerenga.

Heoi anō i te marama o Pipiri i tēnei tau i noho ia me tōna whānau ki te whare o Ronald McDonald ki Tāmaki Makaurau i a rātou e tatari ana mō te pepi o te whānau, mō Te Wiroa Eparaima i tōna uru poka mō tōna manawa.

I ngā mārama ki muri i te mahi moni a Juanita hei utu i ngā kai kia pai ai tana hari ki Tāmaki Makaurau ki te tunu kai mō ngā whānau kei te whare āpōpō.

“Ki te kore rātou, e kore rawa au e puta i te taha o taku pepi, kotahi noa iho ngā uru poka kei te toe.”

Ka wehe ake ia i Rotorua i te tekau karaka i te ata, tekau mā rua ngā kaiāwhina kei te haere ki tōna taha, kia uru te wairua mahana ki roto i ngā whānau e noho ana ki ngā whakarurunga o Ronald McDonald.