Kaupapa: Hawai'i

He karanga i te whanga o Ōkahu hei whakatīpako i ngā mahi tūkino i Mauna Kea

Taroi Black
  • Tāmaki Makaurau

I whakakao atu ētahi tāngata ki te whanga o Ōkahu i Tāmaki Makaurau ki te taki i tētahi karanga.

He karanga hei whakaatu i te tūkinotanga o te maunga a Mauna Kea, mō te whakatūtanga i te karu whakatata ki te tihi o te maunga, he kotahi ira whā piriona tāra te utu.  E noho mokemoke ana te hunga kāinga o Hawai'i ināianei.

Hei tā Precious Clark, “Kua piki ake te mana. Nā Tāwhirimātea i tae mai i tēnei ata, i tae mai hoki tētahi kekeno ki tēnei taha o te moana nō reira he tohu pai tēnā.”

He whawhai kua roa nei e hāere ana i wāenga i ngā iwi taketake o Hawai'i me te kamupene a TMT, mō tā rātou hiahia ki te whakatū i te karu whakatata ki runga i te maunga tapu, he toru tekau mita tōna teitei.

E whakapono ana ngā iwi taketake o Hawai'i, he tauira a Mauna Kea hei whakaohooho i tā rātou tino rangatiratanga ki te whenua.