He karahipi kua whakaritea mā ngā tauira toru mano

  • Te Whanganui-ā-Tara

He akoranga mahi ā-rehe i huataki ake ai ki Te Whare Wānanga o te Awakairangi i te rā nei.

He kaupapa karahipi tēnei mā ngā tauira toru mano nō ngā tōpito katoa o te motu, mai i ngā pakeke tekau mā waru ki te toru tekau ma whā.

Tata ki te kotahi rau ngā tauira iwi Māori, Moananui-a-kiwa hoki i pohiritia ki Waiwhetu Marae.  Tuturu e matua mohio ana te iwi kainga nei ki nga hua o te kaupapa.

Hei tā Tame Ngaheke, “Ko te nuinga o rātou ngā tane i marena mai ki roto i tēnei o ngā wa kainga, i hāere ki roto i tera ahuatanga o te trade training. Ki ngā tau ono tekau, whitu tekau, waru tekau.”

Tuturu i ngā tau ki muri angitu ai tēnei tū kaupapa mō Ngai Māori. Ko te koroua o Nathan Maharey kua mate nei, tētahi ringa rehe o mua. He ara e whaia nei e ia ki te tohu kāmura.

“Ko taku whāinga kia tū i a au he kamupene, ka mahi ai ki Aotearoa nei mō ētahi tau, kātahi ka hūnuku atu ki Ahitereiria.”

Kāti e ai ki a Tariana Turia he tauira te kaupapa mahi a rehe o ngā hua ka puta i te Paati Māori me tana mahi ngatahi ki te kawanatanga.

Hei te wiki e tū mai nei timata ai ngā mahi mā enei tauira.