Ngā kaupapa: Environment, Tainui, Transport

He karahipi hōu o NZTA e āki ana i ngā uri o Waikato-Tainui ki te whai i ngā mahi huakanga

  • Waikato/Te Waiariki

He karahipi Ahurea Taonga Tuku Iho hōu nā te Manatū Waka Kotahi o Aotearoa e tautoko ai ngā uri o Waikato-Tainui ki te whai i ngā mahi huakanga.  I whakamānuhia te kaupapa nei ki te huinga hurirapa oneone mo te pekanga o Rāhui Pōkeka o te huarahi matua hōu.

I te huringa tuatahi o te onepū, nā te Te Whirinaki a Te Kīngi Māori me te huringa oneone nā te Karauna i tohua ai tētahi hoahoatanga hōu.

Ka kī atu a Rahui Papa, heamana o Te Arataura, “Kua āta whakaritea he karahipi mātauranga mō te hunga e haere ana ki ngā wānanga ki ngā whare wānanga, ko te mahi, ko te hōmiromiro i te tai o te whenua, kia mau pūmau ki ngā tikanga tuku iho.”

Otia, he kaupapa e kaha kōkiri ana i Te Rōpū Tangata Whenua me te Manatū Waka Kotahi.

E kī ana a Moko Tauariki, Kaiwhakahaere o Te Rōpū Tangata Whenua, He karahipi pai, tino rawa tērā, nō te mea, e mahi nunui ake ana mātou anō a Waikato Tainui kia mahi tahi anō i te taha o Waka Kotahi.

Ki tā Hon Simon Bridges, Minita o Te Manatū Waka Kotahi, “Ko te manako ia, ka whai wāhi te hunga rangahi nō konei ki te pupuru i tō rātou ake ahurea, i ngā mahi whakariterite me ngā mahi huakanga.”

Kua whā tau te kaupapa e whiriwhiri ana nei, me te kite atu he tokoiti ngā uri o Waikato e whai ana i tēneki tūmomo mahi.  Hei tā Rahui Papa, “He torutoru noaiho ngā archaeologist, ngā iwi tirotiro i ngā taonga o te pū o te whenua."

Nā reira, ko te tūmanako me te wawata mā konei, ka whai hua ai te hāpori me te motu whānui.

Ko tā Bridges, “Mā konei, ka mātau ngā iwi o Aotearoa me te Kāwanatanga me pēwhea te whakarite māhere mō ngā huarahi matua, e hāngai ana ki ngā tikanga Māori.”

E rua rau rima tekau mano tāra kua tākohaina e Te Waka kotahi mō te karahipi nei, kia whai wāhi ai mā te iwi anō e tiaki i ō rātou ake wāhi tapu, i ō rātou ake wāhi tawhito, mō ngā uri whakaheke.