Kaupapa: Politics

He kapeneheihana mā ngā whānau o Pike River Mine te hiahia a Reipa

  • Te Waipounamu

Ko te pahū i mate ai ngā tāne rua tekau mā iwa i ngā maina o Pike River.

E ai ki te kōti me utu kapeneheihana a Pike River Coal ki ngā whānau, engari auare ake.

Kua totohū te kamupene, ā, e ai ki te Kāwanatanga e kore ia e kawe i taua nama.  

Hei tā MP Simon Bridges, "Me āta whakaaro mātou te Kāwanatanga i a mātou e pau ana i ngā moni taake."

Tūturu e ai ki a Reipa ka utua e ia te kapeneheihana toru ira wha miriona tāra ki te noho ko ia hei Kāwanatanga.

E ai ki te Pāti Māori me tūpato ki tēnei whakatau a Reipa.

Ko tā Te Ururoa Flavell, "Ki te tūwhera taua tatau, ka tūwhera hoki mō ngā tono maha, tae noa ki ērā o Ōtautahi,"

Kāti, e ai ki a Mana me Ngā Kākāriki, me utu ka tika.

E āki ana a Hone Harawira kia whakatau atu ko ētahi āpiha haumaru ki roto i ngā maina, mō te orangatonutanga o ngā kaimahi te painga.

Hei āpōpō ka whakahaeretia tētahi huihuinga whakamaharatanga ki ngā tane rua tekau mā iwa, ki te Tai o Poutini.