Ngā kaupapa: Kapa Haka, Youth

He kapa haka tuākana teina te toa whakaihu waka i te whakataetae #YOUARCHR o Toyota

  • Waikato/Te Waiariki

Ko te kapahaka Hip Hop Fusion a ngā tuākana, teina o Toka Tu ngā toa whakaihuwaka o te kaupapa a tihi nā Toyota, e kīa nei, ko tohu marau #YOUARECH. Nā taua rōpū nō Rotorua te nuinga o ngā pōti, he tekau mā rima mano te nui, i runga i te whārangi ipurangi o Pukamata.

He kōtuituinga Māori ake i ngā mahi ā-rēhia me te kanikani te take i eke panuku ai ngā tuākana teina o Toka Tū.

Ko tā Kila Haitana, Ngāti Tūwharetoa, Uenuku-Manawa-Wiri, "Tino ohorere mātou i tā mātou wikitoria ki tēnei whakataetae. Ahakoa te aha ko tā mātou kaupapa matua ko te whakangahau mō te aroha o te ao Māori, me te aroha o te whakangahau. Nō reira ehara i te mea i te tino whai pū mātou i te kaupapa ki te wini."

E iwa ngā rōpū kaitono ahaua i kōwhiria mai i ngā tono e whia rau i tukua, kia hautū i te waka C-HR me tētehi tira hopu ataata, hei whakaatu i tō rātou ake mīharo rawa, whēra i te waka hōu, ka mutu, ka riro i te motukā, whā tekau mano tāra te utu.

Hei tā Haitana, "I whakapono hoki mātou he nui ngā tāngata ka whai i te rōpū o Toyota, ehara rātou i te tangata Māori. Nō reira, ka whakatairanga i te ao Māori ki tētahi hunga anō kāore anō kia kite i tēnei momo āhuatanga. Ko te mea uaua ki a mātou ko te hopu i te whakaaro i te wairua o te ao Māori i roto i tētahi kiriata poto."

Ko tā Toka Tū kirita hei whakaatu i tō rātou ake pakiwaitara me te haerenga ki ngā wāhi i ahu mai ngā puia i Aotearoa.GRAB: Kila Haitana, Ngāti Tūwharetoa, Uenuku-Manawa-Wiri

Ko Ngātoroirangi te kaupapa. Ko tana eke tāna ki runga ki te maunga o Tongariro me tana pakanga ki Hape-ke-tua-rangi. Tā rāua whawhai, nā runga i tērā whawhai ko Ngātoroirangi i riro i te tonga, nō reira ka tapina ko te ingoa o Tongariro.

Kotahi te waka kei waenga i a koutou te tokorima, kei a wai te waka? 

Hei tā Haitana, "I tēnei wā kua whakarite mātou, ka tuku te waka ki a mātou mātua."

Kua tuku tono ngā kamupene atu o Aotearoa ki a Toka Tū me te hanga kiriata hei whakatairanga i ō rātou umanga.