He kaimekemeke rangatahi kei te whai mana nui i tōna hākinkina

Tamati Tiananga
  • Tāmaki Makaurau
  • Waikato/Te Waiariki

Kātahi nei a David Nyika kia auraki mai ki te wā kainga i te whenua o Pōrana  me tana metara rauwhero, I uru atu a ia ki te tauwhāinga whakamaumahara i a Feliks Stamm, he whakataetae whai rarangitanga i te Ao i raro i te maru o te whakarōputranga IBA.

Hei tā Nyika, e whakapeto ngoi ana a ia ki a whai tūranga ki te kapa o Aotearoa mō te tauwhāinga hoa whenua.

Ki Kirikiriroa tona kāinga noho hēoi ka whakaharatau a ia ki Tāmaki Makaurau ka mutu ka whakaheke tōhau tahi ia ko ngā tino kaiwhawhai whai utunga o te motu, hei tana kaiako a  Rik Ellis no te karapu Ringside, he ahuatanga whakahihiko i a Nyika.

Hei te wiki e heke mai nei ka whawhai atu a Nyika ki te toa tuarua o te motu ki Ngāmotu, hei te marama o Haratua ka whawhai atu a ia ki te toa tuatahi o te motu ki te whatataetae Golden Gloves ki Taupō.