Kaupapa: Politics

He kaiārahi hōu o te Pāti Māori e haere ake nei whai muri i te hekenga iho o Fox

Mānia Clarke
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Te ahua nei kua tīmata te Pāti Māori ki te whakatikatika i tōna whare mō te hoki anō ki roto i te whare Pāremata i heke iho a Marama Fox i aha rānei?

Kua tuku iho a Marama Fox i tana turanga kaiarahi tuarua mo te Pāti Māori, whai muri ake i nga whakahīrau kei te utu nama manomano taara tana pakihi.

E ai ki te Perehitini ki a Che Wilson, koinei te tino kaupapa kei mua i te aroaro o Marama Fox kia ea aua nama

Engari tera āno te mihi ki ana mahi mīharo i tutuki i aia i roto i nga tau kua pahure.

E mohio ana tātou he wahine kaha ki te pakanga mō ngā kaupapa Māori penei i ngā mahi tukino. 

I te tau rua mano tekau mā whā i tū ia mo te Ikaroa-Rāwhiti enagri auare, heoi ano ko ia te mema rarangi tuatahi i eke ki te turanga takirua mo te Pāti Māaori whai muri ake i a Tariana Turia.

I tōna waa i kitea te ahua whakangahau i roto i ngā take torangapū, he wahine kaha ki te akiaki mo nga kupapa maori.

Ahakoa te aha ko rāua ko Te Ururoa i tū māro i roto i tō rāua tokorua noa engāri i huri tuarā te iwi Māori ki te Pāti i ngā pooti 2017.

Ina ko wai ka tohua hei kaiarahi hou mo te pāti?  Ka pehea tōna ahua atu ki nga pooti e tū mai nei? Ka tū tonu te ture kia mau tonu he kaiarataki wahine, tāne hoki ina? Koina te patai nui.

Engari he tokorua tera pea ka totika ki te arahi i te Pāti Māori ara ko Shane Taurima me Kaapua Smith, mei kore e ara mai anō te Pāti mai ngā pungarehu?