He kahurangi nō Ngāti Kahungunu kua eke ki `tona tau kotahi rau mā toru

  • Te Tai Rāwhiti

I te rangi nei, i tōna kāinga manaaki kaumātua, ka whakanuia te huritau kotahi rau mā toru o Tangiora Akuhata. I reira hoki ngā kāmera a Te Kāea.

Kua tau tēnei kotuku rerenga tahi, ki te kotahi rau mā toru tau te kaumatuatanga, ā, i tenei ō ngā rangi whakahirahira, hanga ora pai tonu ana ia.

E mēingatia ana, na ōna ringa raupā i kite ai a Akuhata i te rōanga ake o enei tau, kotahi rau mā toru.

Kō tā tētahi o āna mokopuna ko Jeremy McLeod "I te mea he ringa raupā, kaha nei ki te mahi, nā reira e ora tonu ana ia ki waenganui i ā tātou nō reira kia waimaria tātou i tēra ahuatanga

I tupu whakaritorito mai, enei whatu o te ao tawhito ki roto o Waimarama, ā, e taumauri tonu nei ana tana noho, ki tōna wā kainga.

Ko tā Jeremy, " e hia kee nga tau e noho ana ki roto o Ngāti Kahungunu, no reira ka tika ake, kia tae mai tātou ki te whānui i tēnei ekenga rangitira, whakahirahira, whakaharahara o tōna pakeke"

A, i tenei rā hari, whakakoakoa, i puta mai a hari me koa i tēnei matapihi ki te ao tawhito.