Kaupapa: Te Reo Māori

He kāhui ahorangi o Aotearoa i ikapahi atu ki te whakarewanga o te whakaaturanga "Talk Treaty"

Lynette Amoroa
  • Tāmaki Makaurau

I puta whānuitia te īngoa o Finnian Galbraith, he tauira nō te Kāreti o Kapiti i te wiki o te reo Māori i te putanga o tana whaikōrero ki runga ipurangi e whakaū ana i te iwi kia whakahua tika i te reo Māori.

Nonapō ka kā te rama ki runga i a ia anō ki te whakarewanga o te whakaaturanga "Talk Treaty" me tana wero atu ki te Pirimia.

He kāhui ahorangi o Aotearoa i ikapahi atu ki te whakarewanga o te whakaaturanga "Talk Treaty" he mea waihanga nā Tākuta Gareth Morgan.

He whakaaturanga ka kawea ki ngā tōpito katoa o te motu ki te kauhau i tētahi kaupapa e kaha tohea ana.

Mō te tauira nō te Kāreti o Kāpiti, me tīmata ngā mahi mai i runga.

Ko te whāinga a Gareth Morgan he waihanga i tētahi kaupapa ture e noho ngatahi ai me te Tiriti o Waitangi.