Kaupapa: Crime

He hura i ngā rīpeka hōu ki te urupā matua o Papakura

Taroi Black
  • Tāmaki Makaurau

Kei te whakatewhatewha tonu ngā pirihimana i ngā tūkinotanga ki ētahi tohu whakamaharatanga i te urupā o Papakura i tērā atu wiki.

Ko ngā whānau, nō rātou aua tohu whakamaharatanga, i taki huihui ngātahi ki tētahi karakia i te ata nei, ki te hura i te whā tekau rīpeka hōu.

Kua mate anō ngā whānau nei te whakaoraora i ngā raumaharahara o mua.  

I ngā whānau me o rātou hoa e whakatakoto ana i ngā putiputi ki runga i ngā takotoranga o ā rātou pēpē, i whakanuia tētahi o ngā wāhine mō tōna whakapau kaha ki te whakapai i te wāhi nei. 

Kei te hāere tonu ngā whakatewhatewhanga a te hunga pirihimana mo te tangata i mau i te kāmera.  Heoi anō, kei te kaha tonu te mema o te pāti Nāhinara o Papakura a Judith Collins te tautoko i ngā whānau, i kōrero ia ki a rātou mō te matenga o tana tuahine a Margaret i a ia e ono rā noa iho te pakeke. 

Mā te oriori e tau ai anō te wairua o rātou mā, e hoki ai rātou ki te moe.