He hui whakahōtaetae i ngā mahi tūkino ā ngā tāne ki ngā wāhine, tamariki hoki

  • Te Tai Tokerau

I te rā nei, i whakamānutia tētahi hui ki Paihia hei wānanga i ngā whanonga ō ngā tāne Māori. 

He kaupapa tēnei e kawea ana e Te Rūnanga o Te Rarawa me Te Rūnanga ā Iwi o Ngāpuhi hei kaupare i ngā mahi tūkino wāhine, tamariki hoki ā ngā tāne Māori, hei oranga mō ngā whānau o ngā iwi nei.

I whakarauika mai ētahi uri Māori maha nō ngā momo ratonga toko i te ora puta noa i te Tai Tokerau ki te wānanga i te kaupapa, arā te orangatonutanga o ngā whānau, me ngā tirohanga hoki a ngā Tāne Māori ki tēnei mea te whānau.  

E kī ana te kōrero, nā te Minita Toko i Te Ora, i wero atu ki ngā rangatira ā-iwi o te motu, kia tirohia ō rātou ake whare ki te kimi haere he aha i kino ai ngā tatauranga e hangai ana ki ngā Tāne Māori.

Hei tā Haami Piripi, heamana o te Rūnanga o Te Rarawa, ēhara i te mea ko ngā mahi whakatau i ngā kerēme tiriti noa iho ngā mahi ā ngā Rūnanga, ā, arā tonu te haepapa o te iwi, kia hāpai i ngā whānau, mātua rā, ngā tāne Māori. 

E rua rā te roanga o te huihuinga nei, ā, hei āpōpō ka wānangahia te take, he aha kē te anganga whakamua mō ngā kaimahi toko i te ora, me ngā iwi anō hoki.