He hui huna mā Ngāpuhi me Ngāi Tahu ki Waihopai

  • Te Tai Tokerau
  • Te Waipounamu

Kua heke tētahi tira nō Ngāpuhi ki te rohe o Ngāi Tahu mō tētahi hui huna i tētahi marae i Riverton, i Murihiku.

I karangatia te hui kia hohou anō ai te rongo i waenga i ngā iwi e rua whai muri i te uhinga o ngā heitara ki runga i a Raniera Sonny Tau mō te mau me te patu i ngā kekeru o te rohe.

Kī pai Te Takutai o Te Tītī Marae i te iwi kāinga, ā, ko te āhua nei ko Ngāpuhi tērā i uhi i te kākahu ki runga i to ratou taonga, ki a Raniera Tau.

I tae atu anō a Naida Glavish, me tāna kī ake, horekau kē a Raniera Tau e hiahia ana te kōrero kia mutu rā anō tāna kēhi i mua i te aroaro o te kōti.

Ahakoa kāhore te māngai pāpāho o Te Rūnanga o Ngāi Tahu a Julian Wilcox i whakamana i te kōrero, he hui whakapāha mō ngā mahi a Tau te ngako o te hui, hei tā Glavish i tau te rangimārie i waenganui i ngā iwi. Hei te rua tekau ma whā o tēnei marama tū ai a Raniera Tau ki te aroaro o Te Kōti ā-Rohe o Murihiku.