Kaupapa: Youth

He hui e akiaki ana i te hunga rangatahi kia anga whakamua

Aroha Treacher
  • Te Tai Rāwhiti

Kei kō atu i te kotahi rau ngā rangatahi o Te Matau a Māui i kōrero mō o rātou āwhero nui i raro i te tuanui kotahi.

E ai ki te tauira a Phoenix Baker, "Huhua ana ngā whainga kua whakatō mai ki roto i āhau ināianei, ko taku hiahia, kia tū ai hei rangatira mō āku hoa, otira kia mōhio pū ai he aha te ara kei mua i ahau.

He kaupapa tēnei e titiro ana ki ngā mea katoa ara te tautoko, ngā whainga me te karo i ngā taero-a-kupe a te rangatahi.

"Mēnā kei raro ngā rangatahi e putu ana i roto o ngā horopaki mēnā kei te pīrangi rātou ki te pātai mō te tautoko me te aroha kei te pai tēnā," te kī a Tākuta James Graham.

I taunakitia tēnei hui e Tā Mason Durie, ōna kōrero āwhina ki tēnei whakatipuranga me te akiaki i a rātou kia eke ki te puhitaioreore.

"Ko te whāinga matua o tēnei hui, hei akiaki i ngā rangatahi kia tika o rātou whakaaro, kia tutuki i o rātou hiahia, wawata, ahakoa te aha, me eke ki te keokeonga," ko tā Durie kōrero.

Ka mutu, kia whakawhanake o rātou pūkenga mā te mātauranga, kia aru i ngā kaupapa maha pai ki a rātou hei ngā rā heke mai.