He huarere kino e kaha patu ana i te motu

  • Te Waipounamu

He huripari, he hau āwhā te whiu a Tāwhirimātea ki ētahi pito o Aotearoa, hei kētanga i waenga raumati.  He whakatūpato i puta i te Tari Tirorangi i te rangi nei, mo te patapataiāwha ka pā ki ētahi takiwā o Te Waipounamu, hei whakamaunga mahara mā te hau kāinga me te hunga hararei ki ēna takiwā.

E ai ki ngā whakamārama, he hau kino, he marangai i pā atu ki ngā moka o Te Waipounamu, ki ngā wāhi pērā i a Gore me Kawatiri.  Nā te waipuke i aua rohe, e iwa tekau ngā kaihikoi i mau ki te ara o Milford, ā, e rua rau, e rima tekau tāngata i mai ki ētahi atu wāhi o te papa ātawhai huri noa i te rohe.

I ahu mai te huarere kino nei, i te aro mātao i rere āmio i Te Waipounamu, e mauru ana i tana rerenga whakateraki.

Ki te Whanganui ā Tara, kāre te hau kino i te āhuatanga hōu.  Engari i te rā nei, kua pupuhi ki tua i te kohahi rau, toru tekau kiromita i te hāora.  Ā, kua āmaimai ēnei pāhihi i tā rātou ekenga ki runga i a Papatuanuku.

Hei ngā rā whakatā, rere āmio anō ai he aro huarere i te motu.  He ua te hua i Te Waipounamu, ā, hei te Rātapu me te Rāhina ka pēra hoki i Te Ika ā Maui.

Kairīpoata:  Ripeka Timutimu