Kaupapa: Raggamuffin

He hua pai i puta i a Raggamuffin mo te hunga i tae atu

Wepiha Te Kanawa
  • Tāmaki Makaurau

I tū te hui waiata reggae a Raggamuffin inānāhi, ā mō te wā tuatahi i tū ki te Taiopenga Trust Stadium Arena ki Tāmaki.

Cypress Hill rāua ko Ice Cube ētahi o ngā manuhiri i tae atu ki te whakararata i te marea.

Te hanga nei hoki, kāore hoki te kāinga hou o Raggamuffin a Tāmaki i whakapōrearea i te marea.

Hei tā Heeni Morrel, “I tae atu ahau ki Rotorua, kua kī katoa te papa nei, he orite rawa ki te tā Rotorua takoto, he miharo.”

E ai ki te kaiwaiata matua, ki a 'B Real' kāore he mea ohorere ki a rātou ki te waiata ki tētahi hui reggae, ahakoa he rōpū rap.

Hei tā B Real, “Kua roa au e whakarongo ana ki te reggae, ā, kua tae mātou ki ētahi hui e whakakotahi ai te reggae me te hiphop. Kua roa matou e ngaro atu ana, ā miharo ki te hoki mai ano.”

Ko te whetu rongonui o Amerika a Ice Cube tētahi i kaha whakaohooho i te marea me tōna tū kaha ki runga i te ātāmira, ko te rōpū waiata o UB40 hoki tēra i whakararata te katoa.