Kaupapa: Polyfest

He Hononga Whai Hua

updated
  • Tāmaki Makaurau

Kua eke te kapa hono o te Kura Kaupapa Māori o Puau Te Moananui a Kiwa me te Wharekura o Manurewa ki te Puna A o ngā whakataetae ASB Polyfest, mai tā rātou tīmatanga ake i te Puna C e rua tau ki muri.

Ko tēnei te tau tuatahi i roto i tēnei reanga, e haka ana ki te taha o ngā kura toki o Tāmaki Makaurau. Ā ko te tumanako o ngā kaiako me ngā tauira, kia noho tonu ki taua taumata hei ngā tau maha kei mua i te aroaro.

He tau hōu he wero hōu mā ngā kaihaka matatau me ngā tauhou, nāreira hāngai tahi ai ngā akoranga me ngā tohutohu ahu atu ki te whainga nui, tū tuatahi ki te wikitōria.

Hei tā te kaiako kapahaka, tā Waimiria Tutengaehe, ahakoa e pakanga ana ki aua kura nunui rawa penā nā i a Ngā Puna o Waiorea, Hoani Waititi, Kahurangi, aua kura katoa ko tōku wawata kia mārama kia mōhio ōku tauira e taea tonu ratou te kake ahakoa te iti he pounamu.