Kaupapa: Kapa Haka

He hokinga toa mo te Kapa Haka o Rākaumangamanga

Wepiha Te Kanawa
  • Waikato/Te Waiariki

I hoki atu ngā whakaihuwaka o ngā whakataetae kapa haka a ngā kura tuarua a Rākaumangamanga ki tō rātou marae ki Waahi Pā, ā, me he kingi te tau atu a te ope toa o Rākaumangamanga ki te uma o tō rātou iwi.

Hei tā Ora Kihi, “He ataahua ki te kite, he roa rawa nei te wā kua hoki mai Te Wharekura o Rākaumanga ki tēnei marae, ki te kite i te hapori e tautoko ana i a mātou kia puta i tērā wairua harikoa.”

He tau hiranga nui tēnei mō Waikato Tainui, i whakanuia e rātou ngā huri tau tahi rau rima tekau o ngā pakanga whenua o Aotearoa, ā, koirā hoki tā rātou i whakatinana ai i tēnei tau.

Hei tā Ora Kihi, “Ka tū tātou, e rite tonu ki te wā i tū rātou i ngā rā o mua o pakanga, ka tū te tamaiti ki te taha o tōna matua, ka tū te kōtiro ki te taha o tōna tuakana, o tōna matua.  Kāore he aha mēnā he wāhine, he tāne i te wā o te pakanga, ana koira te take e tū ōrite ngā tama me ngā kōtiro.”