He hokinga mahara mo ngā uri o Parihaka

Wepiha Te Kanawa
  • Te Tai Hauāuru

Kua roa te iwi o Parihaka e whakamaumahara ana i te urutomohanga a ngā hoia o te Karauna ki tō rātou pā, neke atu i te kotahi rau, e toru tekau tau ki muri.

Hēoi mō te taone o Ngāmotu, nōnanahi kē tā rātou hui whakamaumahara tuatahi, ā, i tü ki Te Whare Karakia o Hato Maria ki Taranaki.

I te tuarima o Whiringa-a-rangi i tukuna e te kawanatanga ngā hoia pakeha ki ngā kainga maha o Taranaki, Kei te takiwa o te tahi mano ono rau ngā Māori i panaia, o rātou kainga i tahuna. Heoi he rā whakamauhara tēnei.

Ka tā Tiki Raumati, “na ngā mahi o mua ka haere mai rātou i konei he kimi whenua kē te mahi, ka eke mai tēnei mea te pakanga i runga i a rātou ka noho rātou i te mahi raweke i taku iwi a Taranaki nui tonu.

E ai ki a Wharehoka Wano, “kei te anga whakamua engari ko taua, ko taua ahuatanga kia tutuki tika mai te karauna tērā pea ka titiro whakamua.”

Hei apopo te Pāhuatanga o Parihaka e maumahara ai ngā uri o Parihaka, ki o ratou tupuna i tukinotia e te kāwanatanga.