Kaupapa: Health

He hīkoi anō pea te hua ka puta ki a Nana Sass

Lynette Amoroa
  • Te Tai Rāwhiti

He rima tekau mā whitu tau te pakeke o Sass Mahuika tētahi kuia nō Tūranganui ā Kiwa kei te rongonui haere ki ngā tōpito katoa o te motu, o te Ao hoki mō ana mahi hauora.

He kuia noho tūru wīra, heoi nā tōna aronga nui ki te ao hauora, kua tū anō ia ki ōna ake waewae. 

He whā tekau kirokaramu te taumaha o ēnei maitai, he kotahi hau toru o te taumaha kua heke i aia.

Ae, he tika tonu he kotahi rau rua tekau kirokaramu te rahi o tāna i makere ai.

Koinei te wā e rua rau rua tekau mā whā kirokaramu te taumaha o Sass. Ko te kai mōmona noa tāna kai, kaore ia i kori tinana. A, i ngaua kinohia a ia e te wairua kawa.

Na tona rahi kaore hoki ia i uru ki te uwhiuwhi, nā kona i māpua aia ki waho mai i te whare, ahakoa te makariri.

Heoi no te pātanga o te kōrero he mokopuna tāna e haramai nei, ka huri tana ao.

Whai muri i tētahi aitua waka, ka herea aia ki te tuuru wīra mo te iwa tau.

Kihai ia i pararaiha engari i haua tonu.

Nō tēnei tau, ka whara ia heoi he painga tonu i puta.

Nā tena me te hāparapara ki tōna tikihope, te whakaheke taumaha, kua taea e ia te tū ano.