Ngā kaupapa: BUDGET, Housing

He hiahia tā Ngāti Whatua ki te hoko i ngā whenua Karauna ka whakawātea mō te whakatū whare

  • Tāmaki Makaurau

E ai ki ngā iwi o Tamaki Makaurau kei te hiahia ratou ki te hoko i ngā whenua Karauna ka whakawāteahia mō te whakatū whare, ka mutu kei te hiahia hoki ratou ki te hanga i aua whare rā.

He kaupapa tēnei i ara ake i te tahua pūtea a te Kāwanatanga inanahi, hei whakamāmā i te taumaha o te rāngai whare ki Tāmaki Makaurau.

Taiea ana te toro o Ngāti Whatua ki ngā mahi whanake whenua i Tāmaki Makaurau, nā whai anō te hiahia kia okea ururoatia ngā mahi whanake whenua Karauna.

E whā rau toru tekau heketea te rahi o te whenua Karauna e whakaritea ana mō te whakatū whare.

I raro i te whakataunga Titiri a Ngā Mana Whenua o Tāmaki Makaurau, kei ngā iwi tekau mā toru o te rohe te mana hoko tuatahi.

He kotahi rau rima tekau nga whare e puritia ana e Ngāti Whātua, ā, e toru tekau ano e hangaia ana i tēnei wā tonu.

Tūturu ko te hiahia kia whai wahi nui ake te Māori ki taua rāngai.

Kāti, ko te pātai nui pēnā ka whakaritea te utu o ngā whare ka hangaia ki ngā whenua Karauna ki te taumata e āhei ai a tātou whānau pokaikaha te hoko?

Kāti inangeto nei tūwhera ai te wāhanga tono mō ngā kirimana hanganga.