He hiahia kia whai reo a Ngāti Rangi mō te tīhara i ngā wai o Raetihi

Mere McLean
  • Te Tai Hauāuru

E ai ki te tumu whakarae o Ngāti Rangi, ko tā te tāhawahawatanga o ngā wai inu ki Raetihi, he tohu i te arokore o te kaunihera ā-rohe ki te whakamōhio atu i te iwi.

Hei tā Che Wilson o Te Rūnanga o Ngāti Rangi, me wātea ngā ara kōrero ki waenga i a rātou, ko te kaunihera, ko te kāwanatanga anō.

E whāngai tonutia ana te wai ki te hunga kāinga o Raetihi, heoi ki tā te tumu whakarae o Ngāti Rangi tā Che Wilson i te maringitanga ake o te tīhara i te whare papa reti o Turoa, tōmuri ana te taenga atu o te kōrero ki te Māori i te whare papa reti o Turoa me te kaunihera ā-rohe.

Kei te rere ētahi wai ki Raetihi, heoi anō hei te marama o Hakihea rāno rere ai te wai inu.

Ko tā Che Wilson e āki ana, kia mahi tahi te Māori me ngā kaunihera ā-rohe kia pai ai ngā mahi rere i te wai.