He haerenga hohonu mo ngā pia o Pukemiro

  • Te Tai Tokerau

Nonakua tonu nei hoki mai tētahi tira haere no Te Kura Kaupapa Māori o Pukemiro o Kaitaia, ki te wā kainga.

Kua rua wiki rātou e ngaro ana ki ngā tōpito o Uropi, ki te whai i ngā takinga korero mo te rōpu Rua Tekau Ma Waru, i whawhai i te pakanga tuarua o te Ao.

Ko te haere ki te urupa te waahi e takoto ana ngā tini tipuna ki Itari, te wā e kore rawa ratou e warewaretia.

Rere atu ana te Reo Karanga ki ngā uri i tā rātou hokinga mai, kua oti tō ratou takihaere ki Uropi.

Ko tā tētahi o ngā uri kua hoki mai ko Jackie Lee Natana, “He tino rawe, te rongo i nga tumomo reo, me nga ahuatanga o o ratou iwi, te tutataki hoki i etahi o nga maori no reira.”

Ko ētahi o ngā taone kua kitea e taua ope motuhake ko Rome, Florence, Piza, Paris and Hong Kong.

I pupū ake tēnei haerenga, na te whai wāhanga atu a ētahi o ngā ākonga o Pukemiro ki te whakatatae Tuhingaroa a Te Moana Nui-a-Kiwa Ngarimu, ka mutu, ko taua taki haere, te whakatinanatanga, o ngā rangahau, he kite a kanohi nei, i nga wāhi, i pakanga, i riro hoki ai ētahi o ngā toa o te Rua Tekau Ma Waru ki te mura o te ahi.

Mo tētahi tokorua i roto i te ope hāere, i whāia e raua ngā takahinga a to rātou tupuna, a Chanel McCalman, he uri pākeha, i mate ki te mura o te ahi i a ia e whawhai ana ki te taha o te Rua Tekau mā waru.

Ināianei, e anga whakamua ana te tira ki te hoki atu ki te wā kainga, ki te Hiku o te Ika, ki te whāngai hoki i ngā akoranga o tarawaahi, ki ō ratou whanau.