Kaupapa: ANZAC

He haerenga hohonu kei mua i ētahi uri o Ngāti Porou

Lynette Amoroa
  • Te Tai Rāwhiti

Kō atu i te rima tekau ngā uri o Ngāti Porou e rere atu ana ki Tunisia i te ahiahi nei ki te whakanui i te māia o Te Moana-nui-a-Kiwa Ngarimu, i mate ki te pakanga e whitu tekau tau ki muri. Ka whai haere rātou i ngā tapuwae o te Ope rua tekau ma waru.

Tē kuku ai to ratou harikoa, i runga i te mohio e takatū ana ratou mo te haerenga nui kua rua tau e whakarite ana.

E ai ki a Moerangi Taylor-Tihore, “ko tenei o ngā haere, e rua o aku tipuna kei rawāhi e takoto mai ana e rua i ora mai, ae ahakoa te aha he manako nui ki a matou katoa.”

He haerenga tuatahi tenei mo te nuinga o te rōpu ki tarawāhi, heoi he haerenga miharo i te mea ka whai wāhi atu ki ngā wāhi matua i pakanga ai ngā hoia o te Rua Tekau ma Waru

Ko tā, Hinetu Dell, “ko ngā whenua e haere nei mātou tipuna ko Tunuhia, ko Itaria, ko Kirite, me Greece.

I pakeke mai a Hinetu i te wā i hoki mai ngā hoia ki te wā kainga, engari hei tāna i noho tapu ngā korero pakanga ki ngā ngutu o te whānau, inaianei kaore e kore ka whai whakautu āna pātai i tēnei haerenga.

Kua roa nei a Takuta Monty Soutar e hikoi tahi ana i tana ara ki te whai i ngā korero hitori o rātou mā i mate i te pakanga. Inaianei ka whai takenga ano ia i tēnei haerenga, ara ki te whakamohio ki ngā rangatahi ngā korero o nehe.

Ko tā Monty Soutar te kaiwhakahaere o tēnei kaupapa, “Ko te whakaako ki ngā rangatahi kei te haere mai ki to matou taha ki ngā korero e pā ana ki ngā pakanga i whaiwhaihia e o ratou tipuna.”

No ngā tōpito katoa o te motu te tira haere, haunga ki ngā korero o te ope rua tekau ma waru, ka ākona ano rātou ki ngā kōrero a te iwi Cretan me to rātou aroha ki te tiaki i ngā hoia o Aotearoa.