He ekenga nui mā Love Soup Rotorua i a rātou āwhina i te hunga kāingakore

Mere McLean
  • Waikato/Te Waiariki

I tēnei rā ka whai wāhi a Love Soup Rotorua he rōpū awhina i te hunga kore kainga i ana mema e toru ki te hūnuku ki roto i tētahi whare hōu.

Kei te whakarite a Hombre, Tipene me Andrew ki te hūnuku ki tō rātou whare rēti hou.

Arā ngā tau maha te tokotoru nei e noho kāinga kore ana ki Rotorua. 

He tunu i ngā kai mā te hunga kāinga kore te mahi a te tokotoru nei ki Love Soup Rotorua ia Taite.  Katoa ngā kai he mea takoha nā ngā pakihi, nā ngā iwi anō o Rotorua. 

Ko te hiahia kia whakakorehia te raruraru kainga kore ki Rotorua hei ngā tau e rua e heke mai nei.  E ai ki ngā tatau a te Ope Whakaora me ētahi atu ope, 138 ngā tāngata, whānau rānei i āwhinatia i te tau rua mano tekau mā toru, i te tau muri iho ka piki ake taua tatau ki te kotahi rau whitu tekau mā waru.

Hei āpōpō ka whakarewa te rautaki māhere mo Rotorua hei patu i te raru kāinga kore.