Kaupapa: Weather

He angitū te mahi whakaora i Napier-Taupo

By Aroha Treacher
  • Te Tai Rāwhiti

Kua whakahokia ngā waka kua mau ki te huarahi Napier-Taupo inapō e ngā kaimahi nō Te Rākau Whakamarumaru.  Heoi nā te kino kē o te huarere kua whakaweto hiko ki ngā kainga e hia rau nei te maha ki taua rohe.

Inapō ko te whakatika rori te mahi, kia tāea ai ēnei motoka te hoki atu ki ngā kaihautū waka.

Hei tā Jim Tetlow o Te Rākau Whakamarumaru i te Matau ā Māui, he 25 ngā tāngata i whakaora, te nuinga o rātou he kaihautū taraka e ngana ana ki te whakaoti i ō rātou haerenga.

Kua kati te rori o Ahuriri-Taupo nā te nui o te hukapapa, heoi, nā te marangai i te ata nei i tāea ai e rātou te tiki waka.

Hei tā Tetlow anō, he waimārie tātou i te ata nei, kua mahana ake, kāore he hukapapa ināianei, he waiwaha kē e rere mai ana.

Ināianei kei te noho kore hiko ngā kainga e rima rau te nui ki ngā pitopito kainga, pātata atu ki te rori o Ahuriri-Taupo.

Ko tā Tetlow whakahau, ki te roa ake te wetonga hiko, kāore e kore ka āwhina Te Rākau Whakamarumaru i ngā mahi whakaora nei.

Nā te paki haere o ngā tohu huarere i i huaki anō te huarahi i tēnei ahiahi.