Kaupapa: Education

He $75 miriona kua tohaina hei whakahōu i Ngā Puna o Waiōrea

  • Tāmaki Makaurau

Ko te pūtea nunui rawa a te Kāwanatanga ki tētahi kura tuarua te riro atu nei i Ngā Puna o Waiōrea, i Tāmaki Makaurau.  Hei tā ngā tumuaki o te Kura, mā ngā miro nei, e pai ai te kai a ōna manu i te mātauranga.

Hei tā Paraone Tai Tin, (Pou Reo, Ngā Puna o Waiōrea), "He nui ōnā painga, te taenga o tēnei karere ki tō mātou kura e taea e mātou te whakarite kia Māori tō mātou āhua ā-whare nei."

E whitu tekau mā rima miriona taara ka whakapaungia mō te hanga whare hōu ki Western Springs College e tū nei ki ngā whenua para ō-mua.

Ko te wahanga rūmaki o Ngā Puna o Waiōrea kei te taumarumaru o te whare o Ngā Oho, ka whakahōungia hoki.

Me te mea hoki rā, he rangatira tonu te kawenga o ngā mahi i raro i ngā mātāpono o Te Tiriti o Waitangi.  Nā whai anō, e eke ana ngā uri Māori o Waiōrea i roto i te mātauranga.

Ko ngā hua paerewa paitai, kuhunga hoki ki te Whare Wānanga i eke i kō atu i te iwa tekau ōrau i tērā tau.

E tūmanako ana kia mutu mai te whakahōunga o te kura a te tau rua mano tekau mā iwa.