He $2.5piriona te hua mō te ohanga whānui inā ka whai i te mahi keri rawa

Mere McLean
  • Waikato/Te Waiariki

E ohorere ana te kaiurungi o Te Arawa mō ngā kaupapa opapa ki te whakatau a te Kāwanatanga ka koke tonu tana kaupapa tuku whakaaetanga keri mō te Puku o te Ika ā Maui.

Nā te whai whakaaro kore ki ngā take taiao i māharahara ai ngā iwi, engari ko tā te Kāwanatanga, arā ētahi tikanga pērā hei whai mā ngā rōpū ka tono mai.  Ko tā te mema Māori o Te Waiariki kaua e aukati i te ara kōrero.

Ko te manako kia tahuri mai ngā rōpū nō tāwāhi ki tēnei kaupapa, engari ko tā ngā iwi, whakatauria ngā nawe mo te mana ki ngā ōpapa i te tuatahi i mua i te kokenga o ēnei kaupapa.

Ki te Puku o te Ika, he aheinga to ngā kamupene keri ki te tono kirimana atu i te Kāwanatanga, hei keri i ngā whenua whai puia o te rohe rā.

He rua ira rima piriona tāra te hua ki te ōhanga o Aotearoa, heoi mō te haukāinga, ko taua whakatūpato, hoki atu hoki atu, me takoto mai ko ngā whakamārama katoa i mua i te tuku whakaaetanga.