Hand outs for those in need.

Tema Hemi
  • Tāmaki Makaurau

Tērā te kaimahi hapori e mahi nui ana kia hāpai ai te hunga rawa kore o Tāmaki ki te tonga. Ko tā Liz Kiriona ehara tana toa i te toa takitahi, engari kē he toa takitini, ā, ko tāna me mahi ngātahi ngā ratonga hapori kia puta ai he hua kōunga tonu ki te hunga noho pohara. 

Ko te oranga o tēnei kaitūao ko āna mahi hapori, ā, kore kau he rawa, he putea rānei ka whiwhi i ā ia.

Ko tā Kiriona, "Ko Housing New Zealand me Te Kaunihera o Tāmaki na rāua te putea taunaki e whakautu mo te whare nei, na rāua hoko te hiko e utu, mēnā ko mātou tonu ka whakautu e kore e wātea mai tēnei whare ka hoki atu ki taku whare iti."

Ko tā Gaelle Deighton o Rawiri Community House, "Ko te whakautua i tētahi kaimahi ki te mahi i ngā mahi ā me tonoa ki te kāwanatanga mo te putea."

Ā, ko te oranga mātiketike o te hunga ora te take kaore ia mō te makarauna. 

Ko tā Kiriona anō, "He tokomaha o rātou te hunga e noho pohara ana, mēnā ka kite ā ka taea, me mahia!, He maha ngā ratonga hapori e mahi ana o rātou mahi ki te hapori, hēoi i wana nei hoki te mahi tahi kia tutuki pai ai ko ngā moemoeā haunga kē te hoe i ta mātou ake waka iti."

Mā ngā tākoha nei e kore ai te hauhunga o Hōtoke e pā ki ēnei tamariki.

Anei te kōrero a Kiriona mo ngā tāonga i tākohatia ki te kaupapa, "I te wā i kite au i ēnei tāonga i tōtika aku whakāro ki ngā kura me ngā kōhanga reo, kaore kau he aha, i taka te kapa ā kaore he whakāro e tū atu."

I te matenga atu o Haami Manahi i tērā tau i te makariri ko tā Kiriona he mahi nui kia kaua ai tētahi atu e pākinotia.  

Anei ko tā Kiriona mo tērā take, "E kore taea te arai atu i te mate mehemea ka tohua ko te wa, engari me hoatu tētahi mea hei whakamahana i te hunga."

Ka haere tonu a Kiriona me ana mahi nunui, rā mai, rā atu. Ko tāna e whakapono ana, ma iti ma rahi ka rapa te whai.