Kaupapa: Treaty Settlements

Hakoa te tohe a tētahi hapū kua hainatia e Ngāti Kuri tana whakataunga kereme tiriti

  • Te Tai Tokerau

Māturuturu ana ngā roimata ki runga o Ngatakinga o Mokohorea i te whakaekenga mai a te Karauna ki te marae o Waiora mō te rā hainahia ai te whakataunga tiriti a te iwi o Ngāti Kuri me te Karauna.

Whakatōpū ana te tini tāngata ki raro i te taumarumaru nei, i tū ki te marae ātea ki te whakarongo ake ki te whakapāha a te Karauna.

Hoino ka puta tonu mai te ope nei nō te wā kāinga o te iwi nō Te Hāpua ki te whakapuaki i tō rātou wairua whakahē ki tōna iwi.

Ko Matiu Rata tērā i kawe i ngā kokoraho tiriti mō Ngāti Kuri i raro i ngā kerema ika, whenua o Te Murewhenua i te tau 1987, ā, kua koni atu i te 25 tau ngā kokoraho tiriti o te iwi e tārewa ana kia whakatauria ake.

Ko ngā kai ō-roto i te whakataunga tiriti o Ngāti Kuri:

1) Ka utua e te Karauna te $21 miriona taara ki te iwi, ko ngā ingoa wāhi Māori pēnei i Te Rerenga Wairua ka whakamanangia

2) Mai i ngā pihi whenua 10, ka whakahokia e toru o aua pito whenua kei Te Rerenga Wairua, Piwhane/Kapowairua, me Mōkaikai Pā anō hoki

3) Ā, i roto i ngā whakahokinga tahi me iwi kē atu o Te Hiku o Te Ika, he wāhanga anō nō Murimotu ka whakahokia ki a Ngāti Kuri, ā, ka whai wāhi nui hoki te iwi i roto i te ngahere paina nui o Te Aupōuri

Ko Ngāti Kuri te iwi tuawhā o te Muriwhenua kia haina i tā rātou whakataunga tiriti me te Karauna, ā, tāria te wā ka whakatakotoria.

**Due to an administrative issue the original online report stated Harry Burkhardt was a member of the protest group against the settlement. This is incorrect. Harry Burkhardt is the Chair of the Ngāti Kuri Trust Board. We apologise for the error and for any offence caused.**