Kaupapa: Domestic Violence

Haere tonu ana te porotēhi a Davis hei aukati i ngā tūkinotanga ā-whānau

Wepiha Te Kanawa
  • Te Tai Tokerau

Kei te haere tonu te hīkoi he rua wiki te roa a Kelvin Davis me tētahi rōpū porotēhi mō te taitōkai ki te pito o te Ika a Māui, ā, ahakoa i heke te ua e kore rawa te marangai kōwhaowhao e whakararu i tā rātou whāinga.

He whitu tekau kiromita te tawhiti o tā rātou hīkoi, heoi hei te mutunga ka hīkoi he whā rau toru tekau kiromita.

Hei tā Kelvin Davis, “To mātou hiahia ahakoa tēnei te rā tuatoru noa iho e pai ana ngā rā tekau mā whā kei te toe, e tino harikoa ana mātou te hīkoi tonu i runga, hei hāpaingia tēnei kaupapa i roto i ngā hapori katoa o te motu.”

Kātahi anō rātou ka tae atu ki Warkwoth, ā, e manako ana rātou ka tae atu ki Wellsford hei te ahiahi.

Ka tae ki Whangarei tērā pea he hui nui kei reira mō mātou ki waho o te whare pukapuka o Whangarei, ko tō mātou hiahia kia piki te nui o ngā tāngata ka haere mai ki te tautoko.

Tekau mā tahi ngā rā e toe ana kia tae atu a Kelvin me tana tira ki Te Rerenga Wairua, heoi kotahi tahira i te wā te mahi ināianei.