Haere tonu ana ngā tohe mō te Ana o Taitehe

  • Te Tai Tokerau

I te Tai Tokerau, kua hikina noatia atu te tapu i Te Ana o Taitehe. 

Koinei tā tētahi kaumātua o Ngāti Kahu, tā Atihana Johns, ā, koia ko te take e whakahē nei ia i ngā whakapaunga moni a Te Rūnanga-a-iwi o Ngāti Kahu, kua roa e tohe ana kia kaua te wāhi nei e pāpāhia. 

Hei tāna anō, kāore ngā marae o te kāinga e tautoko ana i te whai kia mauria tēnei take ki te kōti tiketike.