Greenpeace Protest against ACC investment

  • Te Whanganui-ā-Tara

E whakapae ana a Greenpeace, nō te kai-utu tāke ngā pūtea e whakangaohia ana e Te Kaporeihana Āwhina Hunga Whara ki te whakatūnga o te pāpuni ki Ruataniwha. E ono tana te nui o te parakaingaki kau ka heria e te hunga porotēhi ki waho i ngā tari o Te Kaporeihana i te rā nei. Ko te whakahau a te mema pāremata o Ikaroa Rāwhiti, me puta te Kaporeihana i tēnei kaupapa.

He tohu e whakaatu ana i te riri a Greenpeace ki te Te Kaporeihana Awhina Hunga Whara kia kaua e kuhu ki roto i ngā tautohe mō te pāpuni o Ruataniwha. Ā e whakaae ana a Meka Whaitiri.

“We don't have a build a dam govt department in the public service so it would be detrimental to ACC, the board would have to step in and investigate, it’s just not their business,” hei tā Whaitiri.

E ai ki a Greenpeace, mā te pāpuni o Ruataniwha e whakawhanake i ngā mahi pāmu ki Heretaunga, na reira ka nui ake te paruparu i ngā awa.

“We actually think that’s taking the piss. So we've blockaded ACC offices in Wellington today with six tonnes of dairy sewage. Millions of pollution like this is already destroying our precious rivers,” hei tā Genevieve Toop te kaikōrero o Greenpeace.

Hei tā te kaunihera o te rohe o Heretaunga, he toru rau toru tekau miriona tāra te utu mo te pāpuni.

Engari e whakahē ana a Toop ki aua nama, “Costs of the dam have soared to nearly 1 billion dollars and investors have already run away from it, and it looks like it’s going to have to be propped up by taxpayers money, thats a sign that the economics of this scheme don't really stack up.”

E ai ki Te Kaporeihana Awhina Hunga Whara kāore rātou e kōrero mō ō rātou kaupapa whakangao.

Hei tā Whaitiri ko ia ka kōtore whererei ki te koke tonu te pāpuni nei, “The dam and the environmental impacts, the financials don't add up, I don't want to be in charge of something, funding something that’s a white elephant.”

Ka tatari tonu ngā kaiporotehi nei ki ngā taringa a te Kaporeihana Awhina Hunga Whara.