Gangs want in on Govt policy

  • Te Tai Tokerau
  • Te Waipounamu

E karanga ana tētahi mema Mangu Kaha kia whai wāhi rā ngā whakaaro o ngā kēnge ki te kaupapa 'Gang Action' a te kāwanatanga. I kōrero a Eugene Ryder ki tā mātou kaikawe kōrero ki a Ripeka Timutimu whai muri i te putanga o ngā kaupapa hou a te kāwanatanga e hōmiromiro atu ai ngā karu o te kāwanatanga ki a rātou.

Ko te ao o Eugene Ryder ehara i te mahi inu kapu tī. Rua tekau mā iwa onā tau i te māpu Mangu Kaha, heoi e ai ki Ryder kei te tītaha kē te kaupapa kēnge a te kāwanatanga.

“I think if we are given the opportunity then we will have a perspective and we will have a view on how we think things can work,” hei tā Ryder.

Ko te tuatahi o ngā kaupapa 'Gang Action' e puta ana i te kāwanatanga ko te whakarewatanga o tetahi rōpū mātai nekehanga kēnge hei whakararu i ngā mahi taihara a ngā kēnge. Ko te tuarua, he kaupapa hou ki te Waiariki me Te Tairāwhiti hei āwhina i ngā whānau kēnge.

E tautoko ana a Ryder i ngā kaupapa a te kāwanatanga, “I think if the objective is to help gang families into better education, housing and employment then it’s a good thing.”

Engari e ai ki te mema o Reipa ki a Kelvin Davis, tērā ngā āhuatanga kāore anō kia arongia, “Me haere ratou ki nga keenge hei korero ai ki nga mema he aha te take i uru atu ratou ki nga keengi i te tuatahi.”

E ai ki a Ryder, “Its every persons God given right to associate with whoever they want however if the attitudes of the govt aimed at behaviours of people as opposed to association then maybe we could get somewhere not all gang members are criminals as not all criminals are gang members.”

E manako nui ana a Ryder mā enei kaupapa kāwanatanga ka whāi āwhina ai ngā whanau kēnge e taumaha ana i tenei wā.