Fresh water main focus of Hīkoi

Heta Gardiner
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Ko te wai Māori kei ngā ngutu o tētahi hunga, e takahi ana i te ara, mai i Tūrangi tae noa ki Pōneke, he tuku petihana te mahi.

Kei te tika tonu me waewae pakari te tangata ki te uru ki te kaupapa nei, ki te takahi i tēnei ara roa, ēngari, he kaupapa hōhonu kei tana pūtake. Ko te akiaki i te kāwana, ki te whakapakari ki te whakamārō i ngā ture mō te wai Māori.Aa he autaiatanga o te hīkoi nei, ko ana mata, ēhara i te mata ka kaha kitea ki ēnei huihuinga.

He karanga e mau nei i te kupu matua, ināianei e toru rau kiromita e kawe ana.

Hei tā Tawera Tahuri, Pēhea te wai mō taku mokopuna? Will he have the opportunity to enjoy, bathe and swim, and drink in the water of his ancestors in a few years? Because at this rate, no!”

Koia nei te hīkoi i tīmata ki te poho o Tūrangi, aa kei tōna ito, ko te akiaki i te kāwanatanga kia hiki i te oranga o te wai, e pā ana ki te taumata tika mō te wai Māori.

Kei te kōkiri ngātahi rātau i te kaupapa nei, me te rōpū "Choose Clean Water" aa kua whakakotahi rātau i ngā waitohu, neke atu i te iwa mano e tautoko ana i tā rātau whai.

Ko tētahi o ngā kaupapa matua o te hīkoi nei, he whakakī i ngā hue pēnei, i ngā wai hurinoa i te motu, aa he kawe i taua mauri, ki ngā rekereke o te whare pāremata.

A ko tēnei pekanga, kua kī katoa i ngā rangatahi.

Hei tā Tahuri, “Ko ngā rangatira o te rā nei rātau. Ēhara mō āpōpō.”

They are not the leaders of the future, they are our leaders now.

Anei ngā ākonga o Te Kura Kaupapa Māori o Whakarewa i te reo ki Tūwharetoa, aa nā te kura te whakatau, kia tūhono atu rātau ki te kaupapa nei, hei akoranga mō ngā ākonga.

Ko tā Ruby Pitiroi, “Ia mātau e hīkoi ana, kua puta he akoranga, kua mārama ake, aa kua tū mai rātau hei kaiārahi mō te kaupapa nei. Ko mātau kei muri e tautoko ana ia rātau.”

“Our rangatahi today are well informed, they're well researched. They are better prepared than we were at that age. Nd therefore they are more environmentally aware,” tā Tahuri.

Ko ngā rangatahi o naianei, he tangata mōhio. He mōhio ake ia mātau i tō mātau wā. Nōreira kei te kite i tō rātau matatau ki ngā āhuatanga o te taiao.

Ka kōpanitia te hīkoi ki roto o Pōneke āpōpō.

Ka kōpanitia te kaupapa nei ki konei ki Te Whanganui-a-Tara. Kei te kawe rātau i tō rātau petihana ki ngā tepe o te whare pāremata, aa ka hoatu i te petihana rā, kia Marama Davidson rāua ko Catherine Delahunty, me mema o te Pāti Kākāriki.