Four flag finalists to be announced today

  • Te Whanganui-ā-Tara

Ka huraina e te Rōpū Kohuki Hakī ngā hakī e whā i Te papa ki Te Whanganui-a-Tara i te ata nei.  

Ākuanei mōhio ai a Aotearoa ko ēhea ngā hakī ka kōwhiria e rātau hei te wā kōwhiri e heke mai nei. 

Neke atu i te 10,000 ngā haki i āta tirohia e te rōpū, ā, nō nā tata nei puta ai i a rātau te rārangi haki whā tekau.

Nā te kaihautū o te rōpu kohuki haki, nā John Burrows ngā haki e whā i kōwhiri.

I te hui rūnanga o te kāwanatanga a John Key inanahi nei, i mea mai ia, e rua, e toru pea ngā haki ka kōwhirihia e ia mō te rārangi whāiti. Hei tāna, ko te haki ka toa, e mau ana i te tino whakatinanatanga o Aotearoa.

I tata tā Key noho ki te taha o te rōpū kōwhiri. E ai ki a ia, neke atu i te 70,000 ngā tāngata i tūhono atu ki te kiriata Youtube e whakaatu ana i ngā kōrero mō te panoni haki. He tonu tērā o tā Aotearoa rata ki te kaupapa.

Hei te 10 karaka i te ata nei puta ai te whakatau.